|
|
|
无名组 38
藏文报
作者：
新闻 时间:2016年10月22日 来源:藏文报
(རང་རེའི་གསར་འགྱུར་གྱི་སྤེལ་འཕྲིན།)ཟླ 10བའི་ཚེས 15ཉིན་ལ། ཞིང་ཆེན་ཏང་ཨུའི་རྒྱུན་ཨུའམ་ཞིང་ཆེན་ཏང་ཨུའི་རྩ་འཛུགས་པུའུ་ཡི་པུའུ་ཀྲང་ཝུའུ་ཏེ་ཀང་དང་ཞིང་ཆེན་ཏང་ཨུའི་རྩ་འཛུགས་པུའུ་ཡི་ལས་དོན་ཨུ་ཡོན་ཧོ་ཧྲི་ཀྲོའུ་འཁོར་དང་བཅས་པ་འབྲུག་ཆུ་རྫོང་གོང་སྨད་ཤང་དུ་ཟབ་ཞུགས་བྱས་ནས་འབྲེལ་གཉིས་ཀྱི“འདྲི་རྩད་ནན་མོ་དང་ཕྱིར་མིག་ལྟ་བ”ཞེས་པའི་བྱ་འགུལ་སྤེལ།
ཝུའུ་ཏེ་ཀང་འཁོར་དང་བཅས་པ་གོང་སྨད་ཤང་སྤོས་ཕྱིན་སྡེ་བར་ཟབ་ཞུགས་བྱས་ཏེ“འབྲེལ་གཉིས”རོགས་སྐྱོར་ཁྱིམ་ཚང་དུ་སོང་ནས་མང་ཚོགས་དང་བྱམས་བརྩེའི་ངང་གླེང་མོལ་དང་རོགས་སྐྱོར་ཁྱིམ་ཚང་གི་ཡོང་སྒོ་དང་ཐོན་ལས་འཕེལ་རྒྱས། ཐོན་སྐྱེད་འཚོ་བའི་ཁྲོད་ཀྱི་དཀའ་ཁག་དང་ལུས་ཕུང་བདེ་ཐང་གི་གནས་ཚུལ་སོགས་གསལ་བོར་དྲིས།
དེའི་རྗེས། ཝུའུ་ཏེ་ཀང་འཁོར་དང་བཅས་པས་སྤོས་ཕྱིན་སྡེ་བའི“7.24”ཉིན་གྱི་འདམ་རྡོའི་ཆུ་རུད་ཀྱི་གནོད་འཚེ་ཐེབས་ཁུལ་ལ་རྟོག་ཞིབ་དང་གནོད་ཐེབས་རྗེས་ཀྱི་འཛུགས་སྐྲུན་གྱི་ལས་གཞི་སྤེལ་ཚད་ཀྱི་གནས་ཚུལ་འདྲི་རྟོག་ཞིབ་མོ་བྱས་ཤིང་། འབྲུག་ཆུ་རྫོང་གིས་འབྲེལ་གཏུག་སྡེ་བའི་འཛུགས་སྐྲུན་དང་འཕེལ་རྒྱས་ལ་རྒྱབ་སྐྱོར་ནན་མོ་བྱས་པ་ཁེག་ཐེག་བྱས་ལ། རྫོང་དང་ཤང་། སྡེ་བ་བཅས་ཀྱི་ལས་བྱེད་པ་དང་མཉམ་དུ་བཞུགས་མོལ་གྲོས་ཚོགས་ཚོགས་ནས་རྗེས་ཕྱོགས་འབྲེལ་གཉིས་བྱ་བ་ཇི་ལྟར་ལེགས་པོར་སྤེལ་བར་ ཁོང་གིས་གཅིག་ནས་ཕྱོགས་བསྡུས་གཅིག་གྱུར་སྒོས་འཆར་འགོད་དང་ཕྱོགས་ཡོངས་ནས་གནོད་ཐེབས་རྗེས་ཀྱི་བསྐྱར་སྐྲུན་བྱ་བར་སྐུལ་སྤེལ་གཏོང་དགོས་པ་དང་། གཉིས་ནས་དཔེ་སྟོན་སྣེ་ཁྲིད་དང་དལ་མོའི་ངང་མང་ཚོགས་ཀྱི་གོམས་གཤིས་བཅོས་བསྒྱུར་བྱ་དགོས་པ། གསུམ་ནས་གོ་སྐབས་དམ་འཛིན་དང་ཧུར་ཐག་གིས་ཡོང་སྒོ་འཕར་སྣོན་གྱི་ཐོན་ལས་བསྐྲུན་དགོས་པའི་བྱང་བྱ་བཏོན།།
|
|
|
放大
缩小
默认