མེས་རྒྱལ་ང་ཡི་སེམས་ཁོང་ན་ཡོད།
藏文报
作者：
新闻 时间:2016年11月09日 来源:藏文报
རང་རེའི་མེས་རྒྱལ་ཏེ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ནི་དུས་ནམ་ཡིན་ཡང་སྨན་ཆུང་ངའི་ཡ་ཆུང་སེམས་ན་རྡོ་བརྐོས་རི་མོ་བཞིན་གནས་ཡོད་པས། ང་རང་མེས་རྒྱལ་ལ་སྙིང་ནས་དགའ་ཞིང་དུངས།
གལ་སྲིད་ང་དང་ཕུགས་འདུན་གཅིག་པའི་སློབ་གྲོགས་ཚོ་མེས་རྒྱལ་འདི་ལ་སེམས་གཏིང་ནས་དགའ་བ་ཡིན་ན། ད་ནས་བཟུང་མ་རབས་ཐ་ཤལ་གྱི་སྤྱོད་ཚུལ་བསམ་པ་ངན་པ་སྤངས་ནས། བློ་གཅིག་སེམས་གཅིག་གིས་སློབ་སྦྱོང་ལ་འབད་བརྩོན་ལྷོད་མེད་བྱེད་པའི་སྐལ་བ་བཟང་བོ་ལོངས་སུ་སྤྱད་དེ། དྲིན་ཆེན་ཕ་མ། དགེ་རྒན་དམ་པ་སོགས་ཀྱི་བཀའ་སློབ་་སྟོབས་ཤུགས་དང་བརྩེ་བ་ཡོད་དགུ་འདོན་དགོས། འོན་ཀྱང་དེང་སང་མི་ལ་ལ་མུན་ནག་གཉིད་ཀྱི་ཞིང་ཁམས་ནས་མ་སད་པར་རང་གི་ཕ་ས་དམ་པར་གཏོར་བརློག་བཟོ་བཞིན་ཡོད་དེ། རང་སྣང་གང་ཤར་གྱིས་ནགས་ཚལ་དུ་སྡོང་བོ་གཅོད་པ་དང་དབྱར་རྩྭ་དགུན་འབུ་བརྐོ་བ། ས་བརྐོ་རྡོ་སློག་བྱེད་པ། གད་སྙིགས་གང་སར་གཡུག་པ་སོགས་བྱེད་པས་ཁོ་ར་ཁོར་ཡུག་ལ་གནོད་པ་ཚབས་ཆེན་ཐེབས་བཞིན་ཡོད། བྱ་སྤྱོད་འདི་དག་ནི་མི་རང་སྟེང་ནས་མེས་རྒྱལ་ལ་གཏོར་བརླག་བྱས་པར་བསམ། ཀྭ་ཡེ་གྲོགས་པོ་ཚོ། གལ་ཏེ་ཁྱོད་ཚོའང་མེས་རྒྱལ་འདི་ལ་དགའ་བ་ཡིན་ན། ད་ནས་བཟུང་བསམ་པ་རྣམ་དག་གིས་རང་རེའི་མེས་རྒྱལ་འདི་ལ་སྲུང་སྐྱོབ་རེ་བྱས་ན་འཚམ་པོ་རེད། གལ་ཏེ་སྲུང་སྐྱོབ་མ་བྱས་ཚེ་ས་གཞིའི་ཐོག་ཏུ་བྱུང་བའི་དོན་དག་ཚང་མ་ང་ཚོའི་མགོ་རུ་ལྷུང་ངེས་རེད། དེའི་ཕྱིར་ཁོར་ཡུག་སྲུང་སྐྱོབ་བྱོས་དང་ཀུན་ལ་ཕན་བདེ་འབྱུང་། ད་དུང་སྐྱེ་འགྲོ་ཀུན་ལ་མཐུན་སྒྲིལ་ཡོད་དགོས་ཏེ། ཁ་དཔེ་ལ་མཐུན་སྒྲིལ་ནི་སྟོབས་ཤུགས་ཡིན་ཞེས་ཟེར་བ་ལྟར་ང་ཚོ་ལ་མཐུན་སྒྲིལ་ཡོད་ཚེ། ད་གཟོད་མེས་རྒྱལ་འདི་རང་ཤུགས་ཀྱིས་ཇེ་བཟང་ཇེ་ལེགས་སུ་འགྲོ་ངེས་རེད།
མེས་རྒྱལ་ལགས། ཁྱེད་ནི་ངའི་སེམས་ཁོང་ན་ནམ་ཡང་ཡལ་ཐབས་བྲལ་བའི་བྱམས་ལྡན་གྱི་ཨ་མ་དང་འདྲ་བས། ངས་དུས་ནམ་ཡང་ཁྱེད་ལ་སྟོབས་ཤུགས་ཡོད་དགུས་སྲུང་སྐྱོབ་དང་བདག་སྐྱོང་བྱེད།།
ཅོ་ནེ་རྫོང་ཉིན་པ་སློབ་ཆུང་། དྲུག་གཉིས་འཛིན་གྲྭ། རིན་ཆེན་འཚོ། མཛུབ་སྟོན་དགེ་རྒན། སྒྲོལ་མ་འཚོ།
放大
缩小
默认