ཡུས་ཁྲིན་ཧུའེ་ཡིས་གཙོ་འགན་ཁུར་ནས་
ཁུལ་ཨུའི་རྒྱུན་ཨུའི་གྲོས་ཚོགས་བསྡུས་ཏེ་
ཀྲུང་དབྱང་དང་ཞིང་ཆེན་གྱི་འབྲེལ་ཡོད་
དགོངས་དོན་བརྒྱུད་བསྒྲགས་དང་སློབ་
སྦྱོང་བྱས་ཤིང་ཁོར་ཡུག་སྲུང་སྐྱོང་་་་
བཅོས་སྒྱུར་ཟབ་སྤེལ་བྱེད་པའི་བྱ་བ་
ཞིབ་འཇུག་དང་བཀོད་སྒྲིག་བྱས་པ།
藏文报
作者：
新闻 时间:2017年06月10日 来源:藏文报
(རང་རེའི་གསར་འགྱུར་གྱི་སྤེལ་འཕྲིན།)ཟླ 6པའི་ཚེས 5ཉིན་ལ། ཁུལ་ཨུས་རྒྱུན་ཨུའི་གྲོས་ཚོགས་བསྡུས་ཏེ་ཀྲུང་དབྱང་དང་ཞིང་ཆེན་གྱི་འབྲེལ་ཡོད་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་ཤིང་། རང་ཁུལ་གྱིས་ཕྱོགས་ཡོངས་ནས་ཁོར་ཡུག་སྲུང་སྐྱོང་བཅོས་སྒྱུར་ཟབ་སྤེལ་བྱེད་པའི་བྱ་བ་ཞིབ་འཇུག་དང་བཀོད་སྒྲིག་བྱས།
ཁུལ་ཨུའི་ཧྲུའུ་ཅི་ཡུས་ཁྲིན་ཧུའེ་ཡིས་གྲོས་ཚོགས་ཀྱི་གཙོ་འགན་ཁུར་བ་དང་། ཁུལ་ཨུའི་རྒྱུན་ཨུ་ཀྲའོ་ལིན་ཡུན་དང་ཝང་ཡུང་། སུང་ཀྲན་ཝུན། ཧྥན་ཝུའུ་ཏེ། སུང་ཅན། དབྱང་ཞུང་། སུང་ཡིའུ་ཧུའོ། ཞི་ཆང་། ཧའོ་ཅུའེ་རྨིན། ཁྲིན་ཅང་ཧྥུན་བཅས་གྲོས་ཚོགས་སུ་ཞུགས་ཤིང་། ཁུལ་དམངས་ཆེན་རྒྱུན་ཨུ་ཁང་གི་ཀྲུའུ་རེན་ཨན་ཅིན་ལུང་གྲོས་ཚོགས་སུ་ཟུར་ཞུགས་བྱས།
གྲོས་ཚོགས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིན་གྱིས་ཀྲུང་དབྱང་གིས་ཕྱོགས་ཡོངས་བཅོས་སྒྱུར་ཟབ་སྤེལ་འགོ་ཁྲིད་ཚན་ཆུང་གི་གྲོས་ཚོགས་ཐེངས 33སྟེང་གནང་བའི་གསུང་བཤད་ཀྱིས། གྲངས་ཉུང་གནད་འགགགིས་བཅོས་སྒྱུར་ལག་བསྟར་བྱེད་པའི གནད་འགག་གི་ནུས་པདམ་འཛིན་བྱས་ཏེ། ཕྱོགས་ཡོངས་ནས་བཅོས་སྒྱུར་ཟབ་སྤེལ་བྱ་བ་སྐུལ་སྤེལ་བྱེད་པར་མཛུབ་སྟོན་གྱི་དོན་སྙིང་དང་མངོན་འགྱུར་གྱི་དོན་སྙིང་དྲག་པོ་ལྡན་ལ། ཁུལ་ཡོངས་ཀྱིས་ཀན་ལྷོ་བོད་ཁུལ་གྱི་ཁྱད་རྟགས་གསར་བ་ནས་རྐང་ཚུགས་ཏེ་གཞོགས་སུ་མཁོ་འདོན་བྱེད་པའི་སྒྲིག་གཞི་རང་བཞིན་གྱི་བཅོས་སྒྱུར་ཟབ་སྤེལ་བྱེད་པར་ནུས་པ་འདོན་པ་དང་། རིག་གནས་ཡུལ་སྐོར་ཐོན་ལས་ཀྱི་སྤུས་ཚད་མཐོར་འདེགས་དང་ནུས་པ་འཕར་སྣོན་སྐུལ་འདེད་གཏོང་བའི་སྟེང་བྱ་བ་བསྒྲུབས་ཏེ། གྲོང་ཁྱེར་དང་གྲོང་གསེབ་ཀྱི་ཁོར་ཡུག་ཕྱོགས་བསྡུས་སྒྲིག་བཅོས་བྱེད་པར་ནུས་ཤུགས་ཡོད་རྒུ་བཏོན་ནས། དངོས་གནས་སྒྱུར་བཅོས་ཀྱི་སྣེ་ཁྲིད་ནུས་པ་གང་ལེགས་སྒོས་འདོན་སྤེལ་བྱ་དགོས་ཞེས་ནན་གྱིས་བསྟན།
གྲོས་ཚོགས་ཀྱིས་སྤྱི་ཚོགས་གཏན་འཇགས་སྲུང་སྐྱོང་དང་ཏང་སྲོལ་སྲིད་གཙང་འཛུགས་སྐྲུན། ཁོར་ཡུག་ཕྱོགས་བསྡུས་སྒྲིག་བཅོས། ཤམ་བྷ་ལ་ཡུལ་སྐོར་སྒྱུ་རྩལ་དུས་ཆེན་གྱི་གྲ་སྒྲིག་བྱ་བ་སོགས་ལ་ཞིབ་འཇུག་བྱས།།
放大
缩小
默认