ཨ་ མའི་ དགོངས་ པ།
藏文报
作者：
新闻 时间:2018年05月16日 来源:藏文报
མི་ཡུལ་དུ་ལྷུང་བའི་ངུ་སྐད་ཐོག་མ་ནས་བཟུང་། ཨ་མའི་བརྩེ་སེམས་ཟབ་མོ་བདག་གི་མཚར་སྡུག་ལང་ཚོ་དང་ནམ་ཡང་བྲལ་མ་མྱོང་ལ། ཨ་མའི་སེམས་ཁོང་དུ་བུ་ཆུང་གི་གཟུགས་རིས་བོར་བའི་དུས་ཚོད་དེ་བས་ཀྱང་དབེན། ཨ་མའི་དཀའ་སྡུག་གི་རྔུལ་ཆུའི་ཐིགས་པ་རེ་རེ་ངའི་གཞོན་དུས་ཀྱི་མིག་དཔེར་གྱུར་མྱོང་ལ། མི་ཚེ་འདིའི་འོད་དུ་འཚེར་བའི་ལམ་སྟོན་གྱི་སྒྲོན་མེ་རུའང་གྱུར་མྱོང་།
གྲོང་ཁྱེར་ནས་བོད་ལྭ་གྱོན་པའི་བུད་མེད་ཅིག་མཐོང་ཚེ། བདག་ཡིད་ཀྱི་མེ་ལོང་ངོས་སུ་དང་པོར་འཆར་བ་ནི་མཐོ་སྒང་དུ་ནོར་ནག་གི་རྗེས་སུ་སྙེག་པའི་ཨ་མའི་གཟུགས་རིས་ཡིན། ཁོ་མོས་དཀའ་སྡུག་ཡོད་ཚད་ཕྲག་ཏུ་བཞེས་ནས་བརྩེ་སེམས་ཀྱི་མིག་ཞགས་དུས་དང་རྣམ་པ་ཀུན་ཏུ་བུ་ཆུང་གི་ཕྱོགས་སུ་འཕངས་ཡོད་པས། ཨ་མའི་བརྩེ་སེམས་ལ་རྒྱང་དུ་འཚོ་བའི་བུ་ཆུང་གི་མིག་མཐར་མཆི་མ་མི་བཞུར་རང་དབང་མེད། སེམས་པ་ལྷོད་ལ་བབས་ནས། འབྲོག་ཐང་དུ་གཏམ་རྒྱུད་འཚོལ་བའི་ཆུང་ཆུང་བྱིས་དུས་ཀྱི་འཇིག་རྟེན་ལ་ཕྱིར་འདང་ཞིག་བརྒྱབ་ཚེ། ད་ལྟ་གྲོང་ཁྱེར་དུ་སླེབས་པའི་བདག་གི་བགྲོད་ལམ་ནི་ངོ་མ་ཀྱག་ཀྱོག་ཆེ་བ་ཞིག་ཡིན་པ་གཞི་ནས་ཤེས།
བཅོས་མ་མིན་པའི་འཇིག་རྟེན་འདིའི་ལྗང་མདོག་ཡོད་ཚད་ཨ་མས་བཏབ་པ་མིན་པའི་ངེས་ཤེས་ད་གཟོད་སྐྱེས་ལ། ཨ་མས་བུ་ཆུང་གི་དོན་དུ་བྱམས་བརྩེ་དང་ལྷག་བསམ་ཡོད་ཚད་བསྐུར་ཅིང་། དཀའ་སྡུག་མཐའ་དག་སྣང་མེད་དུ་བཞག་ནས། རང་ལ་དབང་བའི་ལང་ཚོ་དུམ་བུ་དུམ་བུ་བྱས་ཏེ་བྱིས་པ་ཚོའི་མཚར་སྡུག་གི་རིན་ཐང་བསྐྲུན་པར་ཕངས་མེད་དུ་སྦྱིན་པ་རྟོགས་པས། ཁོ་བོས་ནམ་ཡང་ཨ་མའི་དགོངས་པ་ནི་འཇིག་རྟེན་ན་ཆེས་རླབས་ཆེན་ཞིག་རེད་ཅེས་མགྲིན་པ་གཟེངས་སུ་བཏེགས་ནས་སྨྲས་པ་ཡིན།།
(གཙོས་བོད་རིགས་འབྲིང་རིམ་ཆེད་གཉེར་སློབ་གྲྭའི་སློབ་མ་རྟ་མགྲིན་སྐྱབས།)
放大
缩小
默认