ཀན་ལྷོ་བོད་རིགས་རང་སྐྱོང་ཁུལ་སྐབས་བཅུ་དྲུག་པའི་མི་དམངས་འཐུས་མི་ཆེན་གྱི་
གྲོས་ཚོགས་ཐེངས་གསུམ་པའི་ཀན་ལྷོ་བོད་རིགས་རང་སྐྱོང་ཁུལ་མི་
དམངས་ཞིབ་དཔྱོད་ཁང་གི་བྱ་བའི་སྙན་ཞུ་སྐོར་གྱི་གྲོས་ཆོད།
(2019ལོའི་ཟླ 1ཚེས 18ཉིན་ཀན་ལྷོ་བོད་རིགས་རང་སྐྱོང་ཁུལ་སྐབས་བཅུ་དྲུག་པའི་མི་དམངས་
འཐུས་མི་ཚོགས་ཆེན་གྱི་གྲོས་ཚོགས་ཐེངས་གསུམ་པའི་ཐོག་གྲོས་འཆམ་བྱུང་།)
藏文报
作者：
新闻 时间:2019年01月19日 来源:藏文报
ཀན་ལྷོ་བོད་རིགས་རང་སྐྱོང་ཁུལ་སྐབས་བཅུ་དྲུག་པའི་མི་དམངས་འཐུས་མི་ཚོགས་ཆེན་གྲོས་ཚོགས་ཐེངས་གཉིས་པས་ཞིབ་དཔྱོད་འགོ་གཙོ་མཱ་ལོན་ཆོན་གྱིས་ཕུལ་བའི་ཁུལ་མི་དམངས་ཞིབ་དཔྱོད་ཁང་གི་བྱ་བའི་སྙན་ཞུ་ལ་ཉན་པ་དང་གྲོས་ཞིབ་བྱས། ཚོགས་འདུས་ཁུལ་མི་དམངས་ཞིབ་དཔྱོད་ཁང་གི་2018ལོའི་བྱ་བ་ཁས་ལེན་གང་ལེགས་བྱས་ཏེ། སྙན་ཞུས་བཏོན་པའི་2019ལོའི་བྱ་བའི་བཀོད་སྒྲིག་ལ་འཐད་པ་བྱུང་བས་ཚོགས་འདུས་སྙན་ཞུ་འདི་ལ་ཆོག་མཆན་གནང་རྒྱུ་ཐག་བཅད་པ་རེད།
གྲོས་ཚོགས་སུ་བླང་བྱ་བཏོན་པར། ཁུལ་འབྲིང་རིམ་མི་དམངས་ཁྲིམས་ཁང་ལ་བློ་མཐུན་ཞི་ཅིན་ཕིང་སྲོག་ཤིང་ཡིན་ཏང་ཀྲུང་དབྱང་གི་མཐའ་འཁོར་དུ་མཐུན་སྒྲིལ་དམ་པོ་བྱེད་པ་དང་ཁུལ་ཨུའི་སྲ་བརྟན་གྱི་འགོ་ཁྲིད་འོག ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློ་མཛུབ་སྟོན་དུ་བརྩིས་ཏེ། ཞིབ་དཔྱོད་བྱ་བའི་ཡང་དག་པའི་ཁ་ཕྱོགས་ཁོང་དུ་ཆུད་པ་བྱས་ཏེ། སྲིད་དམངས་དོན་དང་དྲང་བཞག་གི་སྲིད་ཁྲིམས་རྒྱུན་འཁྱོངས་བྱས་ནས། རང་འགུལ་གྱིས་ཞིབ་དཔྱོད་བྱ་བ་ཁུལ་ཡོངས་ཀྱི་བཅོས་སྒྱུར་དང་འཕེལ་རྒྱས། བརྟན་བརླིང་གི་ཁྱོན་ཡོངས་ཁྲོད་འདྲེས་པ་བྱ་དགོས། ནན་ཏན་གྱིས་ཞིབ་དཔྱོད་འགན་ནུས་ལག་ལེན་དང་ཞིབ་དཔྱོད་བཅོས་སྒྱུར་ལ་སྐུལ་འདེད་ཟབ་མོ། གཟབ་ནན་གྱིས་ཞིབ་དཔྱོད་བདག་སྐྱོང་། དཔུང་ཁག་འཛུགས་སྐྲུན་ལ་དངོས་སུ་ཤུགས་བསྣན་ནས་ཤུགས་ཆེན་གྱིས་ཁྲིམས་འཛིན་ནུས་པ་མཐོར་འདེགས་གཏོང་དགོས། ཁུལ་ཡོངས་ཀྱི་ཞིབ་དཔྱོད་བྱ་བ་ཕྱོགས་ཡོངས་དང་འཛོམས་པོ། དོ་མཉམ་དང་མཐུན་སྦྱོར་ངང་འཕེལ་རྒྱས་ཡོང་བར་སྐུལ་འདེད་བཏང་ནས། ཕྱོགས་ཡོངས་ནས་དབུལ་ཐར་མཁྲེགས་གཏོར་ལས་རྣམ་པར་རྒྱལ་བ་དང་ཕྱོགས་ཡོངས་ནས་འབྱོར་འབྲིང་སྤྱི་ཚོགས་ལ་རྒྱལ་ཁ་ཕུ་ཐག་ཆོད་པ་ལེན་པའི་ལོ་བརྒྱ་ཐམ་པ་ཅན་གཅིག་གི་འབད་བརྩོན་དམིགས་འབེན་མངོན་འགྱུར་ལ་ཁྲིམས་འཛིན་གྱི་འགན་སྲུང་འདོན་སྤྲོད་བྱ་དགོས་པའི་བླང་བྱ་བཏོན།།
放大
缩小
默认