ནག་སེལ་གཤེད་བཅོམ་གྱི་ཆེད་དོན་འཐབ་རྩོད་ཀྱི་རྒྱུན་ཤེས་ངོ་སྤྲོད། (བཞི)
藏文报
作者：
新闻 时间:2019年06月22日 来源:藏文报
(བརྒྱད་པ།)“ནག་ཕྱོགས་ཀྱི་སྟོབས་ཤུགས”དེའི་ཁྱད་ཆོས་དེ་ཕྱོགས་གང་དག་ནས་བྱེ་བྲག་སྒོས་མངོན་ཡོད་དམ།
1.སྤྱིར་བཏང་དུ་མི 3གྱི་ཡན་ཡོད། (ལྟོས་བཅོས་ཀྱིས་ཅུང་གཏན་ཁེལ་རང་བཞིན་ཡིན།)
2.ནམ་རྒྱུན་གཞི་གཅིག་ཏུ་འདུས་སྡོད་བྱས་ཡོད།
3.གཏུམ་སྤྱོད་དང་འཇིགས་སྐུལ། ཡང་ན་བྱེད་ཐབས་མི་འདྲ་བ་བཀོལ་བཞིན་ཡོད།
4.ནག་ཕྱོགས་ཀྱི་བྱ་སྤྱོད་གང་མང་སྒྲུབ་ནས་མང་ཚོགས་ལ་གཉའ་གནོན་བྱས་ཏེ། སྤྱི་ཚོགས་སྟེང་ནག་ཕྱོགས་ཀྱི་ཤུགས་རྐྱེན་མི་ལེགས་པ་བཟོས་ཡོད།
5.སྤྱི་ཚོགས་སྟེང་ནག་ཚོགས་ཀྱི་ངོ་བོའི་རྩ་འཛུགས་གྲུབ་མེད་པ།
(དགུ་བ།)“ནག་ཕྱོགས་སྟོབས་ཤུགས་ལས་ནག་ཉེས་སྡེ་ཚོགས”ཀྱི་ཁྱད་ཆོས་དེ་ཕྱོགས་གང་དག་ནས་བྱེ་བྲག་གིས་མངོན་ཡོད་དམ།
1.མི 3ཡན་གྱི་བརྟན་འཇགས་ཀྱི་ཁོངས་མི་དག་གིས་གྲུབ་ཡོད། (ལོག་སྤྱོད་འགོ་བ་གསལ་བོ་ཞིག་ཡོད།)
2.ནམ་རྒྱུན་གཞི་གཅིག་ཏུ་འདུས་སྡོད་བྱས་ཡོད།
3.ཐུན་མོང་གིས་བསམ་གཟས་ནས་ནག་ཕྱོགས་ཀྱི་སྟོབས་ཤུགས་ལ་བརྟེན་ནས་གྱོད་དོན་མི་འདྲ་བ 3གྱི་ཡན་བཟོས་པའི་ནག་ཉེས་བྱ་འགུལ་སོགས་ཡིན།
(བཅུ་བ།)ཅི་ཞིག་ལ་ནག་ཕྱོགས་སྟོབས་ཤུགས་ཀྱི“འགེབས་སྲུང་མཁན”ཟེར་རམ།
1.རྒྱལ་ཁབ་ཀྱི་གཞུང་ཕྱོགས་གོ་གནས་ཡོད་པའི་མི་སྣ།
2.རང་གི་དབང་ཆ་སྒེར་སྤྱོད་བྱེད་མཁན།
3.ནག་ཚོགས་དང་ངན་ཕྱོགས་ཀྱི་ཁྲིམས་འགལ་ནག་ཉེས་ཁྲོད་ཟབ་ཞུགས་བྱེད་པ། ཡང་ན་ཉེས་ཅན་འགེབས་སྲུང་དང་ནག་ཚོགས་ཀྱི་ནག་ཕྱོགས་ནག་ཉེས་ཀུ་ཡངས་ལ་གཏོང་བ། གྱོད་དོན་ཐོ་འགོད་མི་བྱེད་པ། ཐོ་འགོད་གྱོད་དོན་རྩད་གཅོད་མི་བྱེད་པ། གྱོད་དོན་རྩད་གཅོད་ཐད་ནུས་པ་མི་འདོན་པ་བཅས་ཀྱིས་ནག་ཕྱོགས་སྟོབས་ཤུགས་ཀྱི་ཁྲིམས་འགལ་ནག་ཉེས་ཐད་ལ་སྟབས་བདེ་དང་ཆ་རྐྱེན་སྐྲུན་པ། ནག་ཕྱོགས་ཀྱི་སྟོབས་ཤུགས་ལ་རོགས་འདེགས་སྒོས་བྲོས་བྱོལ་བྱེད་པ་དང་ཁྲིམས་ཆད་མི་གཅོད་པ་སོགས་ཡིན།
(བཅུ་གཅིག་པ།)“འཇམ་རྩུབ་གཏུམ་སྤྱོད”དེའི་བྱེ་བྲག་གི་མཚོན་སྟངས་ནི་ཅི་ཞིག་ཡིན་ནམ།
1.གཏུམ་སྤྱོད་དང་འཇིགས་སྐུལ་གྱི་བྱ་སྤྱོད་མངོན་གསལ་མིན་པ།
2.ལག་བསྟར་མཁན་གྱིས་གཏུམ་སྤྱོད་འཇིགས་སྐུལ་བྱེད་པའི་དགོས་གལ་རང་བཞིན་ཡོད་པ།
3.ཐུག་འཕྲད་བྱ་ཡུལ་ལ་འཇིགས་སྣང་དང་འཚུབ་ཆ་ལངས་པར་འཇུག་པ།
4.མི་གཞན་གྱི་རྒྱུན་ལྡན་ཐོན་སྐྱེད་དང་བྱ་བ། འཚོ་བ་སོགས་ལ་ཤུགས་རྐྱེན་མི་ལེགས་པ་ཐེབས་སྲིད་པ།
5.“གྲོས་སྡུར”དང་བར་ཆད། རྙོག་དྲ་བཟོ་བ། སྐད་ཅོར་རྒྱག་པ། སྟོབས་ཤུགས་བསྡུ་རུབ་སོགས་ཀྱི་བྱེད་ཐབས་ལག་བསྟར་བྱེད་པ།
(བཅུ་གཉིས་པ།)“ནག་སེལ”དང“གཤེད་བཅོམ”གཉིས་ཀར་ཁྱད་པར་ཅི་ཞིག་ཡོད་དམ།
བཅོམ་ཞེས་པའི་བཅོམ་ནི་གནད་ཅིག་ཡིན་ལ། སེལ་ཞེས་པའི་སེལ་ནི་ཆེན་པོ་ཞིག་ལ་གོ་བ་རེད། ཁྱབ་རྒྱ་ཆེ་ཞིང་གཏིང་ཟབ་པ། སྟོབས་ཤུགས་བཅས་ཀྱི་ཐད་ལ་རེ་འདུན་ཆེན་པོ་ཡོད། “གཤེད་བཅོམ”མང་ཤོས་ནི་སྤྱི་ཚོགས་བདེ་སྲུང་གི་ངོས་ཐད་ནས་བཤད་པ་ཡིན་ལ། “ནག་སེལ”ནི་ཏང་གི་རྡུང་འཇགས་སྲིད་འཛིན་རྨང་གཞི་ཡིན་ལ། སྲིད་འཛིན་རྨང་གཞི་སྲ་བརྟན་དུ་བཏང་སྟེ་གཞི་རིམ་གྱི་སྲིད་དབང་འཛུགས་སྐྲུན་ལ་ཤུགས་སྣོན་པ། རྒྱལ་ཁབ་ཀྱི་དུས་ཡུན་རིང་བོའི་བདེ་འཇགས་ལ་འགེབས་སྲུང་བྱེད་པ། སྔར་ལས་ཆེ་བའི་ཁྱབ་ཁོངས་ཁྲོད་སྔར་ལས་ཡོངས་ཁྱབ་དང་སྔར་ལས་གཏིང་ཟབ་སྒོས་ནག་སེལ་གཤེད་བཅོམ་གྱི་སྟོབས་ཤུགས་སྤེལ་ཡོད། དེའི་མི་ཚད་སྔར་ལས་ལྷག་པའི་སྒོ་ནས་ཕྱོགས་བསྡུས་བཅོས་སྐྱོང་ལ་མཐོང་ཆེན་དང་འགོ་ཁུངས་བཅོས་སྐྱོང་། བདག་དམ་མཉམ་འབྲེལ་བཅས་བྱས་ཡོད། གང་ལྟར་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས་མི་རྣམས་ཀྱི་བདེ་འཇགས་སྤྲོ་སྐྱིད་ལ་ཁག་ཐེག་དང་སྤྱི་ཚོགས་ཀྱི་བདེ་སྲུང་ལ་གོ་རིམ་ལྡན་པར་ཁག་ཐེག རྒྱལ་ཁབ་དུས་ཡུན་རིང་བོར་གཏན་དར་འོངས་པར་ཁག་ཐེག་བཅས་བྱེད་པའི་ཆོད་སེམས་བརྟན་པོ་དེ་ཚུར་སྣང་བྱས་ཡོད།།
放大
缩小
默认