གཙོད 7000ལྷག་གི་ཚོགས་ཁྱུ་ཞིག་བདེ་འཇགས་ངང་ཨ་ཆེན་གངས་རྒྱབ་ཏུ་བསྐྱོད།
藏文报
作者：
新闻 时间:2020年05月20日 来源:藏文报
ཟླ 5བའི་ཚེས 13ཉིན་གསར་འགོད་པས་གཙང་གསུམ་འབྱུང་ཡུལ་རྒྱལ་ཁབ་སྤྱི་གླིང་འབྲི་ཆུའི་ཆུ་འགོ་གླིང་ཁུལ་ཆུ་དམར་ལེབ་དོ་དམ་ཁྲུའུ་ཡི་སྐྱེ་ཁམས་ཁོར་ཡུག་དང་དོ་དམ་ཅུས་ནས་ཤེས་རྟོགས་བྱུང་བ་ལྟར་ན། གཙང་གསུམ་འབྱུང་ཡུལ་རྒྱལ་ཁབ་སྤྱི་གླིང་གཙོད་གནས་སྤོ་སྲུང་སྐྱེལ་རུ་ཁག་གིས་སྲུང་སྐྱེལ་བྱས་པའི་གཙོད 7000ལྷག་མཚོ་བོད་གཞུང་ལམ་བརྒལ་ནས་ཨ་ཆེན་གངས་རྒྱབ་ཀྱི་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་དུ་བདེ་འཇགས་ངང་བསྐྱོད་པ་རེད། ཡུས་ཧྲུའུ་བོད་རིགས་རང་སྐྱོང་ཁུལ་ཆུ་དམར་ལེབ་རྫོང་རྨ་ཆུ་ཤང་ལུ་ཁྲི་སྡེ་བ་ནི་གཙང་གསུམ་འབྱུང་ཡུལ་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི་ལྟེ་བའི་ཁུལ་ཡིན་པ་དང་། དེར་གཙོད་ཀྱི་ཕ་ཡུལ་ཡང་ཟེར། ལོ་ལྟར་དཔྱིད་དུས་སུ་གཙོད་ཁྲི་ཕྲག་གིས་གྲུབ་པའི་གནས་སྤོ་དཔུང་ཆེན་ལུ་ཁྲི་ཐང་ནས་ཨ་ཆེན་གངས་རྒྱབ་ཀྱི་ཉི་མའི་མཚོ་དང་། གཙོད་གནས་མཚོ་རྒྱུད་དུ་བསྐྱོད་དེ་དེར་གཙོད་ཕྲུག་རྩེབས་པ་སྐྱེ་འཕེལ་གྱི་ལམ་བུར་སྐྱོད་ཀྱིན་ཡོད། གཙོད་གནས་སྤོ་སྲུང་སྐྱེལ་རུ་ཁག་གི་རུ་དཔོན་སྐལ་བཟང་གིས་ངོ་སྤྲོད་བྱས་པར་གཞིགས་ན། ཟླ 5བའི་ཚེས 1ཉིན་ནས་བཟུང་། རུ་མི 400མཚོ་ངོས་ལས་མཐོ་ཚད་སྨི 3400ལྷག་ཡོད་པའི་ལུ་དམར་ཐང་ནས་ཨ་ཆེན་གངས་རྒྱབ་ཏུ་བསྐྱོད་པ་དང་། གངས་རི་དང་རྩྭ་ཐང་། ཆུ་བོ། བྱེ་ཐང་། མི་མེད་ལུང་སྟོང་ས་སྟོང་བཅས་བརྒྱུད་ནས། གྲངས་འབོར་ཆུང་བའི་གཙོད་ཕྲུག་བརྒྱ་ལྷག་གཙོད 7000ལྷག་དང་མཉམ་དུ་གནས་སྤོ་བྱེད་པའི་གཙོད་ཚོགས་དཔུང་ཆེན་གྱི་རང་བྱུང་བྱས་རྗེས་ངོ་མཚར་ཅན་དེར་བདེན་དཔང་བྱས་ཡོད། གཙང་གསུམ་འབྱུང་ཡུལ་རྒྱལ་ཁབ་སྤྱི་གླིང་འབྲི་ཆུའི་ཆུ་འགོའི་ཁུལ་ཆུ་དམར་ལེབ་དོ་དམ་ཁྲུའུ་ཡི་སྐྱེ་ཁམས་ཁོར་ཡུག་དང་རང་བྱུང་ཐོན་ཁུངས་དོ་དམ་ཅུས་ཀྱི་ཅུས་ཀྲང་དགའ་ཐར་གྱིས་གཙོད་གནས་སྤོ་སྲུང་སྐྱེལ་རུ་ཁག་གིས 2018ལོའི་དབྱར་དུས་ནས་བཟུང་ལོ་གསུམ་ལ་བསྟུད་མར་གཙང་གསུམ་འགོ་ཁུངས་ཏེ་ཨ་ཆེན་གངས་རྒྱབ་ཀྱི་གཙོད་ལ་སྲུང་སྐྱེལ་བྱས་ནས། གཙོད་གནས་སྤོ་བྱེད་པའི་བགྲོད་ལམ་གེགས་མེད་ཡོང་བ་འགན་ལེན་བྱས་ཡོད་ཅེས་བཤད།།
(མཚོ་སྔོན་བོད་སྐད་དྲ་ལམ་རྒྱང་བསྒྲགས་བརྙན་འཕྲིན་ཁང་ནས།)
མཚོ་བོད་གཞུང་ལམ་བརྒྱུད་བཞིན་པའི་གཙོད་ཚོགས་ཀྱི་མུ་འབྲེལ་རིང་མོ།།
放大
缩小
默认