དོམ་ཁྲའི་རྒྱལ་ཁབ་སྤྱི་གླིང་གི་རྔ་བའི་མཚམས་ཀྱི་སྐྱེ་དངོས་སྣ་མང་རང་བཞིན་ལ་སྲུང་སྐྱོང་བཟང་བོ་ཐོབ་པ།
藏文报
作者：
新闻 时间:2022年06月25日 来源:藏文报
དོམ་ཁྲའི་རྒྱལ་ཁབ་སྤྱི་གླིང་བཙུགས་པའི་ཚུན། རྔ་བ་ཁུལ་གྱིས་ཞི་ཅིན་ཕིང་གི་སྐྱེ་ཁམས་དཔལ་ཡོན་གྱི་དགོངས་པ་ལག་བསྟར་གཏིང་ཟབ་དང་། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་། སི་ཁྲོན་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་བཅས་ཀྱི་ཐབས་ཇུས་བཀོད་སྒྲིག་བློ་བརྟན་འགྱུར་མེད་ངང་ལག་བསྟར་དོན་འཁྱོལ་བྱས་ཏེ། དོམ་ཁྲ་གཙོ་བོར་བྱེད་པའི་སྐྱེ་དངོས་སྣ་མང་རང་བཞིན་ལ་སྲུང་སྐྱོང་བྱ་རྒྱུར་སྐུལ་འདེད་བཏང་།
སྤྱི་གླིང་གི་ཁོར་ཡུག་ཇེ་ལེགས་སུ་བཏང་བ། “རྒྱལ་ཁབ་སྤྱི་གླིང་གི་སྐྱེ་ཁམས་སྲུང་སྐྱོང་བྱ་རྒྱུ་ནི་ལས་འགན་དང་བོ་ཡིན་པའི”འགན་འཁྲི་དོན་འཁྱོལ་ནན་པོ་བྱས་ནས། སྐྱེ་ཁམས་ནགས་སྲུང 1131གདན་ཞུ་བྱས་པ་བརྒྱུད། སྐྱེ་ཁམས་དོ་དམ་སྲུང་སྐྱོང་གི་བྱ་བ་རྒྱུན་རྣམ་ཅན་དུ་སྤེལ་ནས་རྒྱལ་ཁབ་སྤྱི་གླིང་དོ་དམ་སྲུང་སྐྱོང་བྱ་རྒྱུ་དེ་ཁྱོན་ཡོངས་ལ་ཁྱབ་ཡོད། སྔོ་ཁེབས་མུའུ་ཁྲི 1.63སླར་གསོ་དང་། སྨྱུག་ནགས་བསྐྱར་དར་མུའུ་ཁྲི 2.03སླར་གསོ་ཡོང་བ། སྨྱུག་མའི་ཐོན་ལས་རྟེན་གཞི་མུའུ་ཁྲི 1.01གཏོད་པ་བཅས་བྱས། འབྲེལ་ཁུལ་དང་རིམ་པ་བགོས་ནས་མེ་སྐྱོན་སྔོན་འགོག་གི་བྱེད་ཐབས་དོན་འཁྱོལ་གནད་འཁེལ་བྱས་ཤིང་། ལས་གཞི་འཛུགས་སྐྲུན་གྱི་འགག་སྒོ་ནན་སྲུང་བྱས་ཏེ་དོམ་ཁྲའི་རྒྱལ་ཁབ་སྤྱི་གླིང་ནང་གི་ཆུ་ཤུགས་གློག་ཁང་ཆུང་གྲས་རིགས་དབྱེ་ཐག་གཅོད་དང་། གཏེར་ལས་དབང་ཆ་ཁྱོན་ཡོངས་ནས་གཙང་བཤེར་དང་ཐག་གཅོད་བྱས།
སྐོར་སྲུང་ལྟ་ཞིབ་ཚད་ལེན་བྱེད་ཤུགས་ཆེ་རུ་བཏང་བ། བསྡོམས་པས་སྐོར་སྲུང་ལྟ་ཞིབ་ཚད་ལེན་མི་སྣ་མི་ཐེངས་ཁྲི 4.3བཏང་ནས་དོམ་ཁྲ་སོགས་རི་སྐྱེས་སྲོག་ཆགས་དང་རྩི་ཤིང་གི་ཐོན་ཁུངས་སྐོར་སྲུང་ལྟ་ཞིབ་ཚད་ལེན་ལས་དོན་རབ་དང་རིམ་པ་སྤེལ་བ་དང་། དོམ་ཁྲ 296རྙེད་པ་བཅས་ཤེས་རྟོགས་བྱུང་བ་དང་། གཙོད་དང་དོམ་ནག ཤྭ་བ་སོགས་ཁོངས་གཅིག་པའི་སྲོག་ཆགས 20ལྷག་གི་རྗེས་ཤུལ 10760རྙེད། དོམ་ཁྲའི་རྒྱལ་ཁབ་སྤྱི་གླིང་རྔ་བའི་མཚམས་ཀྱི་སྐྱེ་ཁམས་ཁོར་ཡུག་རྒྱུན་མཐུད་ཇེ་ལེགས་སུ་ཕྱིན་པ་དང་བསྟུན། དོམ་ཁྲ་སོགས་རི་སྐྱེས་སྲོག་ཆགས་ཀྱི་གྲངས་འབོར་རིམ་བཞིན་སླར་གསོ་བྱུང་ནས་སྐྱེ་དངོས་སྣ་མང་རང་བཞིན་སྲུང་སྐྱོང་ལ་དུས་མཚམས་རང་བཞིན་གྱི་ཕན་འབྲས་ཐོན།། (ཀྲུང་གོ་བོད་ཀྱི་དྲ་བའི་འཕྲིན།)
放大
缩小
默认