ཚེ་རིང་ནད་མེད་ཡོང་ཐབས་ཀྱི་གོམས་གཤིས་ལྔ།
藏文报
作者：
新闻 时间:2023年08月02日 来源:藏文报
ཉེ་ཆར་རྒྱལ་སྤྱིའི་དུས་དེབ་གྲགས་ཅནལིའུ་ཡེ་ཏའོསྤྱི་བའི་བདེ་ཐངཞེས་པའི་ཐོག་ཀྲུང་གོའི་ཚོགས་པའི་ཞིབ་འཇུག་གི་གྲུབ་འབྲས་ཆེན་པོ་ཞིག་སྤེལ་ཡོད་ཅིང་། གྲུབ་འབྲས་དེའི་ནང་མི་ཚོར་ཕྱོགས་བསྡུས་འཚོ་བ་སྐྱེལ་སྟངས་ལ་འགྱུར་ལྡོག་བཏང་ནས་ཚེ་ཚད་རིང་དུ་གཏོང་ཐབས་བསྟན་ཡོད། དེ་ནི་ལམ་ཚད་རྡོ་རིང་གི་དོན་སྙིང་ལྡན་པའི་ཞིབ་འཇུག་ཅིག་ཡིན། དེའི་གོང་གི་ཕྱོགས་བསྡུས་འཚོ་བ་སྐྱེལ་སྟངས(མི་སྒེར་གྱི་འཚོ་བ་སྐྱེལ་སྟངས་མ་ཡིན་པ)དང་སྔོན་དཔག་ཚེ་ཚད་དང་འབྲེལ་བ་ཡོད་པའི་ཞིབ་འཇུག་དག་ནི་གཙོ་བོ་ཨ་མེ་རི་ཁ་གླིང་བྱང་མ་དང་ཡོ་རོབ་ཀྱི་མི་ཚོགས་གཞིར་བྱས་པ་འབའ་ཞིག་ཡིན་པས་ལས་ཀྲུང་གོ་བར་ཁ་གཏད་པའི་ཞིབ་འཇུག་གྲུབ་འབྲས་ཐོན་མྱོང་མེད། ད་རེས་པེ་ཅིན་སློབ་ཆེན་ལི་ལི་མིང་གི་ཚོགས་པ་དང་ལུའི་ཅུན་གྱི་ཚོགས་པ། ཀྲུང་གོ་ནད་ཡམས་ཚོད་འཛིན་ལྟེ་གནས་ཀྲའོ་ལི་ཡུན་གྱི་ཚོགས་པ་བཅས་ཀྱིས་མཉམ་འབྲེལ་ཐོག་ཚོད་སྐོར་བྱས་ཐོག་ང་ཚོར་ཁ་ཕྱོགས་གསལ་བསྟན་བྱས་པ་རེད། ཞིབ་འཇུག་གི་ཐབས་ལམ་ནི་ཧ་ཅང་རྙོག་འཛིང་ཆེ་བ་ཞིག་ཡིན་མོད་དེར་རྒྱུས་ལོན་བྱེད་པའི་དགོས་པ་མེད། ཚང་མས་གཤམ་གསལ་གྱི་ཐབས་ཤེས་འདི་དག་ཤེས་པས་འགྲིག་གི་ཡོད། ཚེ་ཚད་རིང་དུ་གཏོང་བར་ཕན་པའི་འཚོ་བ་སྐྱེལ་སྟངས་རིགས 5ཡོད་དེ།
དུས་རྒྱུན་ཉེན་ཁ་ཆུང་བའི་འཚོ་བ་སྐྱེལ་སྟངས 0ནས 1བར་རྒྱུན་འཁྱོངས་བྱེད་མཁན་དང་བསྡུར་ན། འཚོ་བ་སྐྱེལ་སྟངས་རིགས་ལྔ་བོ་འདི་ལག་བསྟར་བྱེད་ཐུབ་ཚེ། ལོ 30སྐབས་ཀྱི་སྐྱེས་པའི་སྔོན་དཔག་ཚེ་ཚད་ལོ 8.8དང་བུད་མེད་ཀྱི་སྔོན་དཔག་ཚེ་ཚད་ལོ 8.1གིས་ཇེ་རིང་དུ་འགྲོ་བཞིན་ཡོད།
ཚེ་ཚད་ཇེ་རིང་དུ་འགྲོ་བའི་རྒྱུ་རྐྱེན་གཙོ་བོ། སྙིང་གི་ཁྲག་རྩའི་ནད་དང་སྐྲན་ནད། དེ་མིན་དལ་གཤིས་དབུགས་ལམ་ནད་ཀྱི་དབང་གིས་ཤི་ཚད་ཇེ་དམའ་རུ་གཏོང་ཐུབ་པ་དེ་ཡིན།
ཚེ་ཚད་ཇེ་རིང་དུ་འགྲོ་བར་ཕན་ལ་ཉེན་ཁ་ཆུང་བའི་འཚོ་བ་རོལ་སྟངས་ལྔ་བོ་ནི།
ཐ་མག ཐ་མག་མི་འཐེན་པའམ་ཡང་ན་ནད་གཞི་གཞན་པའི་རྐྱེན་ལས་ཐ་མག་སྤོང་བ།
ཆང་བཅུད། ཆང་རག་མི་འཐུང་བའམ་ཉིན་རེའི་ཆང་རག་འཐུང་ཚད་ཚད་ལས་མི་བརྒལ་བ་སྟེ། ཉིན་རེའི་ཆང་བཅུད་རྐྱང་བ་འཐུང་ཚད། སྐྱེས་པ་ཉིན་རེར་ཁེ 30ལས་མི་བརྒལ་བ་དང་། བུད་མེད་ཉིན་རེར་ཁེ 15ལས་མི་བརྒལ་བ།
ལུས་རྩལ་སྦྱོང་བརྡར། ལུས་སྦྱོང་ཆུ་ཚད་ན་ཚོད་མཉམ་པ(<ལོ 50 ལོ 50ནས་ལོ 59 ལོ 60)དང་ལུས་བསྟེན་འདྲ་བའི་ཁྲོད་ཕྱེད་ཀའི་ཡན་དུ་ཡོད་པ།
བཟའ་བཏུང་། “ཉིན་རེར་སྔོ་ཚལ་སོས་པ་ཟ་བ་དང་། ཉིན་རེར་ཤིང་ཏོག་སོས་པ་ཟ་བ། གཟའ་འཁོར་རེར་ཉིན 1-6ལ་ཤ་སྣག་ཟ་བ། གཟའ་འཁོར་རེའི་ཉིན 4ཡན་ལ་སྲན་མའི་རིགས་ཟ་བ། གཟའ་འཁོར་རེར་ཉིན 1དང་དེ་ལས་མང་བར་ཉའི་རིགས་ཟ་བ”བཅས་བྱ་དགོས། འདི 5ལས་གཅིག་ལག་བསྟར་ཐུབ་ན་སྐར 1རེ་ཐོབ་པ་དང་ལག་བསྟར་མ་ཐུབ་ན་སྐར 0ཡིན། སྤྱིའི་སྐར་གྲངས 4ནས 5བར་རྒྱུན་འཁྱོངས་ཐུབ་ན་ཉེན་ཁ་ཆུང་བར་གཏོགས།
ལུས་པོའི་ལྗིད་ཚད། ལུས་པོའི་ལྗིད་ཚད་ཀྱི་བསྡུར་གྲངས་(BMI)ནི་སྨི 2བར་ལ་སྤྱི་རྒྱ 18.5 27.9དང་། སྐྱེས་པའི་སྐེད་པའི་འཁོར་རྒྱ་ལི་སྨི 90ལས་ཆུང་བ་དང་། བུད་མེད་ཀྱི་སྐེད་པའི་འཁོར་རྒྱ་ལི་སྨི 85ལས་ཆུང་དགོས། BMIཁྱབ་ཁོངས་ཀྱི་གཏན་འཁེལ་ཚད་གཞི་ནི་ལུས་པོའི་ལྗིད་ཚད་ལྕི་དྲག་པའམ་ཡང་དྲག་པ་དང་། དེ་བཞིན་ལྟེ་ཕྱོགས་རང་བཞིན་གྱི་ཚོ་ཆེ་བའི་གནས་ཚུལ་གཞི་བྱས་པ་ཡིན།
བདེ་ཐང་གི་འཚོ་བ་སྐྱེལ་སྟངས་ནི་དུས་དང་རྣམ་པ་ཀུན་ཏུ་དང་དོད་ཡོད་དགོས་པ་ཞིག་ཡིན། རྒས་དུས་ནད་གཞིའི་སྡུག་བསྔལ་མྱོང་མི་འདོད་ན་དུས་ད་ལྟ་ནས་བཟུང་བཟའ་བཏུང་དང་འཚོ་བ་རོལ་སྟངས་ཡག་པོ་རྒྱུན་འཁྱོངས་བྱ་དགོས།།
放大
缩小
默认