ཡུན་ནན་བདེ་ཆེན་་
གྱིས་སྲིད་དོན་ཞབས་
ཞུའི་ཆུ་ཚད་ཇེ་་་་་་
མཐོར་བཏང་ནས་་་
ཕན་འབྲས་བླངས་པ།
藏文报
作者：
新闻 时间:2023年08月02日 来源:藏文报
ཉེ་བའི་ལོ་འགའི་རིང་ལ། ཡུན་ནན་བདེ་ཆེན་ཁུལ་གྱི་སྲིད་དོན་ཞབས་ཞུ་དོ་དམ་གྱིས་སྤྱོད་ཚུལ་གསར་བརྗེར་སྐུལ་འདེད་གཏོང་རྒྱུ་གཞི་རྟེན་དུ་བྱས་པ་དང་། རང་འགུལ་གྱིས་ས་གནས་འཕེལ་རྒྱས་ལ་ཞབས་འདེགས་ཞུས་ནས་“སྲིད་དོན་ཞབས་ཞུ་+”ལས་དོན་སྤུས་ཚད་མཐོར་འདེགས་དང་ཕན་འབྲས་ཆེར་གཏོང་རྒྱུར་སྐུལ་འདེད་བཏང་བ། 2023ལོའི་ལོ་སྟོད་དུ། ཁུལ་ཡོངས་ཀྱིས་མངག་གཏོང་དོན་ཚན 4604དང་ལེན་བྱས་པ་དང་། དྲ་ཐོག་ནས་སྒྲུབ་ཐུབ་ཚད 99.72%ཟིན་ཡོད་པ་དང་། གོ་རིམ་ཧྲིལ་པོ་དྲ་ཐོག་ནས་སྒྲུབ་ཚད 93.61%ཟིན་ཡོད།
“སྲིད་དོན་ཞབས་ཞུ+ཏང་འཛུགས་སྐྱོང་”རྒྱུན་ཆད་མེད་པར་སྲ་བརྟན་དུ་བཏང་བ། ཁུལ་སྲིད་དོན་ཞབས་ཞུ་དོ་དམ་ཅུས་ཀྱིས་སྲིད་དོན་ཞབས་ཞུའི་འགན་འཁྲི་གཙོ་བོ་དང་ལས་རིགས་གཙོ་བོ་ལ་དམ་པོ་དམིགས་ནས། མཉམ་འདྲེས་གཏིང་ཟབ་བྱས་ཏེ་ཏང་ཡོན་དང་བླངས་ཞབས་ཞུ་དང་སྲིད་དོན་ཞབས་ཞུའི་ལས་དོན་ལ་སྤྱི་འདོམས་སྐུལ་འདེད་བཏང་བ། ཁུལ་རིམ་པའི་སྲིད་དོན་ཞབས་ཞུ་ཚོམས་ཆེན་གྱིས་ཏང་གཤིས་ལག་ལེན་བྱ་འགུལ་སྐུལ་འདེད་གཏིང་ཟབ་གཏོང་བའི་སྟེགས་བུ་བསྐྲུན་ཏེ། ཏང་ཡོན་དཔེ་སྟོན་ལས་གནས་བཀོད་སྒྲིག་བྱས་པ་དང་བདེ་ཆེན་ཁུལ་སྲིད་དོན་ཞབས་ཞུ་དོ་དམ་ཅུས་ཏང་ཀྲི་པུའི་ཏང་ཡོན་དང་བླངས་ཞབས་ཞུའི་རུ་ཁག་དང་བདེ་ཆེན་ཁུལ་སྲིད་དོན་ཞབས་ཞུ་ལྟེ་གནས་ཀྱི་དམངས་ཕན་ཞབས་ཞུ་རུ་ཁག་བཙུགས་པ་བརྒྱུད་ཕྱོགས་ཡོངས་ནས་སྲིད་དོན་ཞབས་ཞུའི་སྤྱོད་ཚུལ་འཛུགས་སྐྱོང་དང་ནུས་ཕྱོད་འཛུགས་སྐྱོང་དང་དེ་བཞིན་ཏང་ཡོན་གྱིས་མང་ཚོགས་ལ་ཞབས་འདེགས་ཞུ་བའི་ལས་ཀའི་ནུས་པ་དང་ཆུ་ཚད་མཐོར་འདེགས་དང་། ཏང་འཛུགས་སྐྱོང་གིས་སྣེ་ཁྲིད་དེ་སྲིད་དོན་ཞབས་ཞུའི་ཆུ་ཚད་དང་སྤྱོད་ཚུལ་འཛུགས་སྐྱོང་གི་ཕན་ནུས་མཐོར་འདེགས་བཏང་།། (སེམས་ཀྱི་ཉི་ཟླ་བོད་ཡིག་དྲ་བ་ལས།)
放大
缩小
默认