2023ལོའི G219དང་བོད་ལྗོངས་ཡུ
藏文报
作者：
新闻 时间:2023年10月28日 来源:藏文报
2023ལོའི G219དང་བོད་ལྗོངས་ཡུལ་སྐོར་རྫོང་གྲགས་ཅན་ཁྱབ་སྤེལ་བྱ་འགུལ་ཚེས 23ཉིན་ལྷ་སར་སྤེལ་འགོ་ཚུགས་ཤིང་། དེའི་དམིགས་ཡུལ་ནི་བོད་ལྗོངས་ཀྱི་ས་ཁོངས་ཁྱད་ལྡན་ཡུལ་སྐོར་འཕེལ་རྒྱས་ལ་སྐུལ་འདེད་གཏོང་བ་དང་། ཡུལ་སྐོར་རྫོང་གྲགས་ཅན་གྱི་ཚོང་རྟགས་བསྐྲུན་པར་ཤུགས་སྣོན། ཁྱད་ལྡན་ཡུལ་སྐོར་གྲོང་ཁྱེར་དང་ཁྱད་ལྡན་ཡུལ་སྐོར་ཞིང་སྡེ་འཛུགས་སྐྲུན་གྱི་གོམ་སྟབས་ཇེ་མགྱོགས་སུ་གཏོང་རྒྱུ་བཅས་ཡིན།
ཤེས་གསལ་ལྟར་ན། ཐེངས་འདིའི་བྱ་འགུལ་ཐོག་ཡུལ་སྐོར་ལས་རིགས་ཀྱི་ཆེད་མཁས་མི་སྣའི་འཐུས་མི་དང་ཐོན་ཁུངས་སྡོམ་རྩིས་མི་སྣ། སྨྱན་བྱད་འཐུས་མི། དྲ་འབར། དངོས་མྱོང་མཁན་སོགས་མང་བོ་གདན་འདྲེན་བྱས་ཏེ། G219བོད་ལྗོངས་མཚམས་ཀྱི་ལམ་རྒྱུད་དང་སྨར་ཁམས། སྤོ་མེས། མེ་ཏོག མཚོ་སྣ། ལྷུན་རྩེ། དིང་རི། སྤུ་ཧྲེང་སོགས་རྫོང 7གྱི་ཡུལ་སྐོར་ཐོན་ཁུངས་དང་ཡུལ་སྐོར་ཐོན་རྫས་ལ་རྟོག་ཞིབ་བྱས་པ་དང་། ལམ་རྒྱུད་ཀྱི་མཛེས་ལྗོངས་ཁུལ་དང་ཞག་སྡོད་བྱ་ཡུལ། བཟའ་བཏུང་། ལེ་ལག་སྒྲིག་བཀོད་སོགས་ཀྱི་ཆ་འཕྲིན་འཚོལ་སྡུད་བྱས་ནས། རིམ་པ་མང་བོ་དང་འཕྲེད་ཚད་མང་བོར་རྫོང་དང་ཆུས་འཕེལ་རྒྱས་ཀྱི་མི་མངོན་པའི་ནུས་ཤུགས་སྔོག་འདོན་བྱས་པ་དང་། རྫོང་དང་ཆུས་ཀྱི་ཁྱད་ལྡན་ཡུལ་སྐོར་ཐོན་རྫས་གསར་སྤེལ། ཡུལ་སྐོར་ལམ་ཐིག་གི་བཀོད་པ་ཇེ་ལེགས་སུ་བཏང་བ། སྔར་ལས་ལྷག་པའི་སྒོ་ནས་བོད་ལྗོངས་ཀྱི་ཡུལ་སྐོར་ཐོན་ཁུངས་གཞི་གྲངས་མཛོད་ཕུན་སུམ་ཇེ་ཚོགས་སུ་བཏང་སྟེ། རྫོང་ཁོངས་ཡུལ་སྐོར་དཔལ་འབྱོར་འཕེལ་རྒྱས་ལ་རོགས་འདེགས་བྱས་པ། རིག་གནས་ཡུལ་སྐོར་དང་ཞིང་སྡེ་དར་སྤེལ། མཐའ་དར་དམངས་ཕྱུག་མཉམ་འདྲེས་གཏིང་ཟབ་ཡོང་བར་སྐུལ་འདེད་བཏང་། དེ་དང་ཆབས་ཅིག དྲ་ཐོག་ཏུ་ཕྱོགས་ཡོངས་ནས་ཁྱབ་སྤེལ་དང་ཐབས་ལམ་མང་བོའི་བརྒྱུད་བསྒྲགས་གཏིང་ཟབ་བྱས་ཡོད། པར་འདི་ནི་བྱ་འགུལ་སྤེལ་འགོ་ཚུགས་པའི་ཡུལ་དངོས་ཀྱི་ཚུལ་རེད།།
放大
缩小
默认